උතුරු පළාත් සෞඛ්ය දෙපාර්තමේන්තුව මගින් ක්රියාත්මක කරනු ලබන සංවර්ධන ව්යාපෘති සහ සේවාවන් තවදුරටත් වේගවත් කර ජනතා අයිතියට පත් කළ යුතු බව උතුරු පළාත් ගරු ආණ්ඩුකාර එන්. වේදනායගම් මහතා අවධාරණය කර සිටියි.
උතුරු පළාත් සෞඛ්ය, දේශීය වෛද්ය සහ පරිවාස හා ළමා රක්ෂක සේවා අමාත්යාංශයේ මාසික ප්රගති සමාලෝචන රැස්වීම උතුරු පළාත් ගරු ආණ්ඩුකාර එන්. වේදනායගම් මහතාගේ ප්රධානත්වයෙන් අද (2026.06.16) අඟහරුවාදා පස්වරුවේ ආණ්ඩුකාර ලේකම් කාර්යාලයේදී පැවැත්විණි. ආණ්ඩුකාරවරයා ඉහත කරුණු සඳහන් කළේ එහිදීය.
මෙම සාකච්ඡාව ආරම්භයේදී අදහස් දැක්වූ ආණ්ඩුකාරවරයා, පසුගිය වසරේ ප්රසම්පාදන ක්රියාවලීන් වසර අවසානය දක්වා ඇදී ගොස් තිබූ බව පෙන්වා දුන්නේය. මෙම වසරේදී ද එවැනි ප්රමාදයන් සිදු නොවන අයුරින්, නියමිත කාලසීමාවන් තුළ ව්යාපෘති සඳහා වන ප්රසම්පාදන කටයුතු නිම කිරීමට පියවර ගන්නා ලෙස නිලධාරීන්ට උපදෙස් දුන්නේය.
මීට සමගාමීව, සෞඛ්ය අමාත්යාංශය සහ සෞඛ්ය දෙපාර්තමේන්තුව යටතේ ක්රියාත්මක වන වැඩසටහන්වල ප්රගතිය සමාලෝචනය කෙරිණි. දෙපාර්තමේන්තුවේ මූල්ය කළමනාකරණය සම්බන්ධයෙන් පවතින ප්රායෝගික ගැටලු පිළිබඳව මෙහිදී දීර්ඝ වශයෙන් සාකච්ඡා කෙරුණු අතර, අතිරේක මූල්ය ප්රතිපාදන සඳහා වන ඉල්ලීම් නිසි සාධාරණීකරණයන් සහිතව මූල්ය කොමිෂන් සභාව වෙත ඉදිරිපත් කිරීමටද මෙම රැස්වීමේදී තීරණය විය.
එමෙන්ම, ඉදිරියේදී සෞඛ්ය දෙපාර්තමේන්තුව යටතේ ක්රියාත්මක වන සෑම අනු-දෙපාර්තමේන්තුවක් සහ රෝහලක් සඳහාම වෙන වෙනම අයවැය ලේඛන සකස් කර මූල්ය ප්රතිපාදන ඉල්ලා සිටිය යුතු බවටද ආණ්ඩුකාරවරයා විසින් උපදෙස් දෙන ලදී. මීට අමතරව, සෞඛ්ය දෙපාර්තමේන්තුව වෙත ලැබී ඇති අනෙකුත් මූල්ය ප්රතිපාදන යටතේ ක්රියාත්මක වන ව්යාපෘතිවල ප්රගතියද මෙහිදී දීර්ඝ වශයෙන් විමසා බැලීමට ලක්විය.
ඉන් අනතුරුව, පළාත් දේශීය වෛද්ය දෙපාර්තමේන්තුව සහ පළාත් පරිවාස හා ළමා රක්ෂක සේවා දෙපාර්තමේන්තුව යන ආයතනවල ව්යාපෘති ප්රගතියද මෙම රැස්වීමේදී වෙන වෙනම සමාලෝචනය කරන ලදී.
මෙම විශේෂ සමාලෝචන රැස්වීම සඳහා උතුරු පළාත් ප්රධාන ලේකම්, ආණ්ඩුකාර ලේකම්, සෞඛ්ය අමාත්යාංශයේ ලේකම්, නියෝජ්ය ප්රධාන ලේකම්වරු (පරිපාලන, සැලසුම්, මූල්ය සහ ඉංජිනේරු), පළාත් සෞඛ්ය සේවා අධ්යක්ෂ, පළාත් පරිවාස හා ළමා රක්ෂක සේවා කොමසාරිස්, පළාත් දේශීය වෛද්ය දෙපාර්තමේන්තුවේ කොමසාරිස්, ප්රාදේශීය සෞඛ්ය සේවා අධ්යක්ෂවරුන් සහ පළාත් ගොඩනැගිලි දෙපාර්තමේන්තු අධ්යක්ෂවරයා ඇතුළු පිරිසක් සහභාගී වූහ.
