උතුරු පළාතේ සෞඛ්ය ක්ෂේත්රය වැඩිදියුණු කිරීම සඳහා ලෝක බැංකුව, ආසියානු සංවර්ධන බැංකුව සහ ඉන්දීය රජයේ මූල්ය ආධාර යටතේ ක්රියාත්මක වන වැඩසටහන්වල ප්රගතිය පිළිබඳව ගරු ආණ්ඩුකාරතුමාගේ ප්රධානත්වයෙන් විශේෂ සමාලෝචන රැස්වීමක් පැවැත්විණි.
උතුරු පළාතේ ගරු ආණ්ඩුකාර එන්. වේදනායකන්ගේ ප්රධානත්වයෙන් අද (2026.06.11) බ්රහස්පතින්දා ආණ්ඩුකාර ලේකම් කාර්යාලයේදී විශේෂ සමාලෝචන රැස්වීමක් පැවැත්විණි. පළාතේ මූලික රෝහල්වල වෛද්ය උපකරණ මිලදී ගැනීම, ශල්යාගාර නවීකරණය කිරීම, ඩිජිටල්කරණය කරන ලද රෝගී දත්ත මධ්යස්ථාන ස්ථාපිත කිරීම සහ යටිතල පහසුකම් වැඩිදියුණු කිරීමේ කටයුතු සඳහා ආසියානු සංවර්ධන බැංකුව හරහා අරමුදල් වෙන් කර ඇත. ඒ අනුව, යාපනය දිස්ත්රික්කයේ තෙලිප්පලෙයි […]