வீட்டுத் தோட்ட அபிவிருத்தி மற்றும் மறுவயற் பயிர்ச்செய்கையை ஊக்குவிப்பதற்காக நடமாடும் சேவையினுடாக விதை மற்றும் நடுகைப்பொருள் விற்பனை

உலகளாவிய ரீதியில் கொரோனா நோயின் பரவலினால் எதிர்காலத்தில் வெளிநாடுகளில் இருந்து இறக்குமதி செய்யப்படும் உணவுப் பொருட்களின் இறக்குமதி பாதிக்கப்படுவதற்கான சாத்தியக்கூறுகள் நிவவுகின்றன.

நமது பிரதேசங்களில் நிலவுகின்ற அசாதாரண சூழ்நிலை மற்றும் ஊரடங்குச் சட்ட நடைமுறைகள் ஆகியவற்றினால் பயிர்ச்செய்கையை மேற்கொள்வதற்கான விதை மற்றும் நடுகைப்பொருட்களினைப் பெற்றுக் கொள்வதில் விவசாயிகள் எதிர் நோக்கிய நெருக்கடியினை குறைப்பதே இதன் நோக்கமாகும்

விவசாயிகள் தமது பயிர்ச் செய்கை நடவடிக்கைகளினை தடையின்றி மேற்கொள்வதற்கேதுவாகவும் பொது மக்கள் இவ் அசாதாரண சூழ்நிலையில் தமது சுய தேவையைப் பூர்த்தி செய்வதற்கு ஏற்ற வகையில் வீட்டுத் தோட்டச் செய்கையில் ஈடுபடுவதனை ஊக்குவிப்பதற்காகவும்; யாழ் மாவட்ட பிரதி மாகாண விவசாயப்பணிப்பாளர் அலுவலகத்தினால் மத்திய விவசாயத் திணைக்களத்தின் விதை மற்றும் நடுகைப்பொருள் அபிவிருத்தி மற்றும் விற்பனைப் பிரிவு, யாழ் மாவட்ட விதையுற்பத்தியாளர் கூட்டுறவுச் சங்கம், காரைநகர் இளம் விவசாயிகள் கழகம், வெங்காய உண்மை விதையுற்பத்தியாளர் சங்கம் ஆகியவற்றின் உதவியுடன் நடமாடும் சேவையினுடாக விதை மற்றும் நடுகைப்பொருள் விற்பனை மேற்கொள்ளப்பட்டு வருகின்றது.

நடமாடும் விற்பனையின் ஊடாக பயற்றை, வெண்டி, பாகல், தக்காளி, கத்தரி ஆகிய மரக்கறி விதைகளும், மிளகாய், வெங்காய உண்மை விதை, நிலக்கடலை, பயறு, குரக்கன், மரவள்ளி துண்டங்கள், காளான் வித்திகள் என்பனவும் விற்பனை செய்யப்பட்டுவருகின்றன.

விவசாயப் போதனாசிரியர் பிரிவு ரீதியாக மேற்கொள்ளப்பட்ட நடமாடும் விற்பனைச் செயற்பாடுகள் தொடர்பான விபரங்கள்

திகதி	விவசாயப் போதனாசிரியர் பிரிவு	கொள்வனவு செய்தவர்களின் எண்ணிக்கை	விநியோகிக்கப்பட்ட விதைகள்
11.04.2020	தெல்லிப்பளை	128	பயற்றை, வெண்டி, பாகல், தக்காளி, கத்தரி மிளகாய், வெங்காய உண்மை விதை, நிலக்கடலை, பயறு, குரக்கன்,மரவள்ளி துண்டங்கள், காளான் வித்திகள்
11.04.2020	நல்லூர்	85
15.04.2020	தொல்புரம் வட்டுக்கோட்டை	330
17.04.2020	புத்தூர் அச்சுவேலி	220
18.04.2020	உரும்பிராய் ரூ நீர்வேலி	148
18.04.2020	கைதடி	58
20.04.2020	உடுவில்	65
21.04.2020	கரவெட்டி புலோலி	55
22.04.2020	வேலணை ஊர்காவற்றுறை	120

விற்பனை நடவடிக்கைகள்

வீட்டுத் தோட்டம், வர்த்தக ரீதியான மரக்கறிச் செய்கை மற்றும் மறுவயற்பயிர் செய்கை என்பவற்றை மேற்கொள்வதற்கேதுவாக் விவசாயிகள், அரச உத்தியோகத்தர்கள் மற்றும் பொது மக்களுக்கு விற்பனை செய்யப்பட்ட விதைகளின் விபரம் பின்வருமாறு:

விநியோகிக்கப்பட்ட விதை	அளவு	விநியோகிக்கப்பட்ட விதை	அளவு
பயற்றை	79.61 கிகி	கத்தரி	6.53 கிகி
வெண்டி	74.14கிகி	மிளகாய்	24.95கிகி
பாகல்	26.19கிகி	புசித்தா	50 கிகி
தக்காளி	10.835கிகி	வத்தகை	20 கிகி
புடோல்	06கிகி	உழுந்து	60கிகி
பூசணி	2.5கிகி	சோளம்	05கிகி
கீரை	43.70கிகி	எள்ளு	26கிகி
அவரை	60கிகி	சணல்	21கிகி
கறிமிளகாய்	2கிகி