උතුරු පළාතේ පාරිසරික ආරක්ෂාව වැඩිදියුණු කිරීම සහ ප්ලාස්ටික් කසළ කළමනාකරණය කිරීම සඳහා පළාත් පාලන ආයතනවල දායකත්වය වැඩි කිරීමේ අරමුණින්, පාරිසරික නීති සංශෝධන සහ අපද්‍රව්‍ය කළමනාකරණය පිළිබඳ දැනුවත් කිරීමේ වැඩසටහනක් ඊයේ (2026.10.16) කයිතඩි හිදී පැවැත්විණි. පරිසර අමාත්‍යාංශය සහ උතුරු පළාත් පළාත් පාලන දෙපාර්තමේන්තුව විසින් සංවිධානය කරන ලද මෙම වැඩහටහනට ගරු පරිසර නියෝජ්‍ය අමාත්‍ය අනුර ජයකොඩි මහතා, මධ්‍යම පරිසර අධිකාරියේ නිලධාරීන් සහ පළාත් පාලන ආයතන නියෝජිතයින් රැසක් සහභාගී වූහ.
මෙම උත්සවය අතරතුර, 2026 දී ගෙන එන ලද පාරිසරික නීති සංශෝධන සහ පාරිසරික ආරක්ෂාව සඳහා පළාත් පාලන ආයතනවල වගකීම් පිළිබඳව පැහැදිලි කිරීමක් ලබා දෙන ලදී. විශේෂයෙන්, පරිසරයට හානිකර නිෂ්පාදන නිෂ්පාදනය කරන්නන්ගේ ‘පුළුල් කරන ලද නිෂ්පාදක වගකීම’, ක්ෂුද්‍ර ප්ලාස්ටික් අපද්‍රව්‍ය නිසා ඇති වන බලපෑම් සහ කසළ කළමනාකරණ අභියෝගවලට මුහුණ දීමේ ක්‍රියා පටිපාටි විස්තරාත්මකව පරීක්ෂා කරන ලදී.
මෙම උත්සවයේ ප්‍රධාන අරමුණ වන්නේ පාරිසරික නීති සංශෝධන පිළිබඳව පළාත් පාලන ආයතන අතර දැනුවත්භාවය ඇති කිරීම සහ ඒවා ප්‍රායෝගිකව ඵලදායී ලෙස ක්‍රියාත්මක කිරීමෙන් පාරිසරික ආරක්ෂාව ශක්තිමත් කිරීමයි.
