අනාගතයේදී තෙලිපලේ පිළිකා රෝහල මධ්‍යම සෞඛ්‍ය අමාත්‍යාංශයේ පරිපාලනය යටතට පත් කිරීමටත්, මධ්‍යම සහ පළාත් පරිපාලන අතර ඒකාබද්ධ මෙහෙයුම් සඳහා අවබෝධතා ගිවිසුමකට එළඹීමටත් එකඟ වී ඇත. මේ සම්බන්ධයෙන් විශේෂ සාකච්ඡාවක් අද (2026.10.20) මධ්‍යම සෞඛ්‍ය අමාත්‍යාංශයේ නිලධාරීන් සහ උතුරු පළාත්
ගරු ආණ්ඩුකාරතුමා එන්. වේදනායකන් මහතා අතර ආණ්ඩුකාර ලේකම් කාර්යාලයේදී පැවැත්විණි.
මෙම සාකච්ඡාවේදී අදහස් දරක්වූ ගරු ආණ්ඩුකාරතුමා, රටේ බොහෝ ප්‍රදේශවලින් රෝගීන් පැමිණෙන රෝහල වැඩිදියුණු කිරීමේ අවශ්‍යතාවය අවධාරණය කළේය. පළාත් රෝහල් මධ්‍යම රජය යටතට පත් කිරීමේදී ඇති නීතිමය හා ප්‍රායෝගික ගැටළු පෙන්වා දෙමින්, යාපනය දිස්ත්‍රික් සම්බන්ධීකරණ කමිටු රැස්වීමේ තීරණයට අනුව පමණක් මෙම රෝහල මධ්‍යම පරිපාලනය යටතට පත් කිරීමට පියවර ගත හැකි බව ඔහු ප්‍රකාශ කළේය.
මධ්‍යම සෞඛ්‍ය අමාත්‍යාංශයේ නිලධාරීන් පෙන්වා දුන්නේ තෙලිපලේ පිළිකා රෝහල පළාත් මූලික රෝහල සමඟ ඒකාබද්ධ කරන බවත්, එය මූල්‍ය හා පරිපාලන ගැටළු වලට මුහුණ දී ඇති බවත්ය. මේ හේතුවෙන්, රෝහල මධ්‍යම රජය යටතට පත් කරන තෙක් සංක්‍රාන්ති කාලය තුළ අඛණ්ඩ වෛද්‍ය සේවාවන් සහතික කිරීම සඳහා පරිපාලන දෙක අතර අවබෝධතා ගිවිසුමකට එළඹීමට තීරණය කරන ලදී. ඊට අමතරව, මේ සම්බන්ධයෙන් කැබිනට් පත්‍රිකාවක් ඉදිරිපත් කර ඊළඟ පියවර ගැනීමට දෙපාර්ශ්වයම එකඟ විය.
