ශ්රී ලංකාවේ ස්විස් තානාපති සිරි වොල්ඩ් සහ උතුරු පළාතේ ගරු ආණ්ඩුකාරතුමා එන්. වේදනායකන් මහතා අතර විශේෂ හමුවක් අද (2026.06.08) සඳුදා උදෑසන ආණ්ඩුකාර ලේකම් කාර්යාලයේදී පැවැත්විණි.
මෙම හමුවේදී, ස්විස් රජය විසින් අතීතයේ උතුරු පළාතේ සිදු කරන ලද විවිධ ව්යාපෘති සඳහා ගරු ආණ්ඩුකාරතුමා සිය හෘදයාංගම කෘතඥතාව පළ කළේය.
මැදපෙරදිග යුද්ධය හේතුවෙන් ගෝලීය ඉන්ධන මිල ඉහළ යාම සහ උතුරු පළාතට එහි බලපෑම පිළිබඳව තානාපතිවරයා විමසීය. මෙම මිල ඉහළ යාම හේතුවෙන් උතුරු පළාත් සභාව විසින් ආරම්භ කරන ලද මහා පරිමාණ සංවර්ධන ව්යාපෘති නැවත ඇගයීමට ලක් කළ යුතු තත්වයක් මතුව ඇති බව ගරු ආණ්ඩුකාරතුමා පෙන්වා දුන්නේය.
ශ්රී ලංකාවේ උතුරු කොටසේ සිදුවෙමින් පවතින බිම්බෝම්බ ඉවත් කිරීමේ කටයුතු සහ ඒ සඳහා ස්විස් රජයේ අඛණ්ඩ දායකත්වය පිළිබඳව ද රැස්වීමේදී විස්තරාත්මකව සාකච්ඡා කරන ලදී. බිම් බෝම්බ ඉවත් කිරීමේ ක්රියාවලියේදී ශ්රී ලංකාව ලබා ඇති විශිෂ්ට ජයග්රහණ පිළිබඳව ස්විට්සර්ලන්ත තානාපතිවරයාගේ ප්රශංසාව හිමි විය.
තවද, උතුරු පළාතේ ආර්ථික කොඳු නාරටිය වන කෘෂිකාර්මික අංශයේ වත්මන් ක්රියාකාරකම්, වෙළඳපොලේ භාණ්ඩ මිල ඉහළ යාම සහ ගොවීන් මුහුණ දෙන අභියෝග සහ ගැටළු කෙරෙහි අවධානය යොමු කරන ලදී.
ඊට අමතරව, උතුරු පළාතේ වත්මන් සාමාන්ය තත්ත්වයන් පිළිබඳව ස්විට්සර්ලන්ත තානාපතිවරයා ගරු ආණ්ඩුකාරවරතුමා සමඟ සවිස්තරාත්මක සාකච්ඡාවක ද නිරත විය.
මෙම රැස්වීමට උතුරු පළාත් ආණ්ඩුකාර ලේකම් සිවපාතසුන්දරම් සත්යසීලන් මහතා ද සහභාගී වීම විශේෂත්වයකි.
