උතුරු පළාතේ ව්යවසායන්, නිෂ්පාදන සහ ව්යවසායකයන්ගේ කුසලතා ප්රදර්ශනය කරමින්, වෙළඳපොළ අවස්ථා සහ ආයෝජන සබඳතා ගොඩනඟන ප්රධාන වේදිකාවක් වන ‘උතුරු ජාත්යන්තර වෙළඳ ප්රදර්ශනය – 2026’ උතුරු පළාත් ගරු ආණ්ඩුකාර නා. වේදනායගන් මහතා විසින් නිරීක්ෂණය කරන ලද අතර, ප්රදර්ශනයට එක්වූ ව්යවසායකයන් සමඟ සාකච්ඡාවකද නිරත විය.
උතුරු කර්මාන්ත මණ්ඩලයේ සංවිධානයෙන් ‘උතුරු ජාත්යන්තර වෙළඳ ප්රදර්ශනය – 2026’ යාපනය තිරුවල්ලුවර් සංස්කෘතික මධ්යස්ථානයේදී පැවැත්වෙන අතර, ආණ්ඩුකාරවරයා ඊයේ (2026.08.29) සෙනසුරාදා ප්රදර්ශන භූමිය වෙත ගොස් ප්රදර්ශන කුටි නිරීක්ෂණය කළේය.
පෙරේදා (2026.08.28) සිකුරාදා ආණ්ඩුකාරවරයා විසින් නිල වශයෙන් ආරම්භ කරන ලද මෙම ප්රදර්ශනයේදී උතුරු පළාතේ විවිධ ප්රදේශවල ව්යවසායකයෝ සිය නිෂ්පාදන සහ සේවාවන් ප්රදර්ශනය කරති.
ප්රදර්ශන කුටි නිරීක්ෂණය කළ ආණ්ඩුකාරවරයා, ඊට එක්ව සිටින ව්යවසායකයන්ගෙන් ඔවුන්ගේ නිෂ්පාදන, ව්යාපාරික කටයුතුවල වර්තමාන තත්ත්වය, වෙළඳපොළ අවස්ථා සහ මුහුණ දෙන අභියෝග පිළිබඳව විමසා සිටියේය. තවද, නිෂ්පාදන ධාරිතාව වර්ධනය කිරීම, නව වෙළඳපොළවල් වෙත ළඟාවීම සහ ව්යාපාරික කටයුතු ඊළඟ මට්ටම වෙත ගෙන යාමේ අවස්ථා පිළිබඳවද ඔවුන් සමඟ අදහස් හුවමාරු කරගත්තේය.
’උතුරු ජාත්යන්තර වෙළඳ ප්රදර්ශනය – 2026′ අද (2026.08.30) ඉරිදා දිනෙන් අවසන් වීමට නියමිතය.
