යාපනය ප්රදේශයේ උසස් අධ්යාපන අවස්ථා පුළුල් කිරීමේ අරමුණින් ‘Study In’ ආයතනයේ නවතම ශාඛාව අද (2026.05.08) සිකුරාදා පෙදෙරුවේදී නිල වශයෙන් විවෘත කරන ලදී.
මෙම අවස්ථාවට ප්රධාන ආරාධිත අමුත්තා ලෙස උතුරු පළාත් ගරු ආණ්ඩුකාර නා. වේදනායගම් මහතා සහභාගී වූ අතර, එතුමා විසින් පීත්ත පටිය කපා ආයතනයේ නව කාර්යාලය විවෘත කරන ලදී.
එහිදී ගරු ආණ්ඩුකාරවරයා සිය සුබපැතුම් දේශනයේදී මෙසේ සඳහන් කළේය:
“අපේ පළාතේ ජනතාව සම්බන්ධයෙන් ගත් කල, අධ්යාපනය යනු ඔවුන් සතු විශාලතම ප්රාග්ධනයයි. අපේ ජනතාව නිරන්තරයෙන්ම උත්සාහ කරන්නේ අධ්යාපනයෙන් ඉහළම තලයකට ළඟා වීමටයි. මෙවැනි පසුබිමක් තුළ, ‘Study In’ ආයතනය යාපනය ප්රදේශයේ සිය සේවාවන් ආරම්භ කිරීම ඉතාමත් අගය කළ යුතු කාරණයකි.
අද වන විට උසස් අධ්යාපනය යනු කාලීන මෙන්ම අත්යවශ්ය අවශ්යතාවයක් බවට පත්වෙමින් තිබේ. අප ප්රදේශයේ අධ්යාපන ආයතන රැසක් ක්රියාත්මක වුවද, විශ්වාසනීය උසස් අධ්යාපන මඟපෙන්වීමක් සඳහා සිසුන්ට ඉතා පහසුවෙන් ප්රවේශ විය හැකි ආයතනයක් ලෙස මෙය ක්රියාත්මක වනු ඇතැයි මම බලාපොරොත්තු වෙමි. අපේ දරුවන්ට කිසිදු බාධාවකින් තොරව තම උසස් අධ්යාපන කටයුතු කරගෙන යාමට මෙවැනි ආයතන මෙරටට පැමිණීම ඉතා යහපත් ප්රවණතාවයකි,” යැයි ආණ්ඩුකාරවරයා සිය කතාවේදී පැවසීය.
උත්සවයේ ආරම්භයේදී ‘Study In’ ආයතනයේ මෙහෙයුම් ප්රධානී (උතුරු සහ නැඟෙනහිර) ගජමුඛන් මහතා විසින් පිළිගැනීමේ කතාව සිදුකළ අතර, ආයතනයේ අරමුණු සහ සිසුන් වෙනුවෙන් සැලසෙන සුවිශේෂී සේවාවන් පිළිබඳව පැහැදිලි කළේය. උතුරු පළාතේ සිසුන්ගේ ජාත්යන්තර උසස් අධ්යාපන සිහිනය සැබෑ කරමින්, ඔවුන් ජාත්යන්තර විශ්වවිද්යාල සමඟ සෘජුවම සම්බන්ධ කිරීමට තම ආයතනය කටයුතු කරන බවද හෙතෙම සඳහන් කළේය.
අනතුරුව පැවති ප්රධාන උත්සව සභාව පූජ්ය පියතුමෙකුගේ ආශිර්වාද වාක්ය සමඟ ආරම්භ විය. ආචාර්ය ආරු තිරුමුරුගන්, යාපනය දිස්ත්රික් ලේකම් එම්. ප්රදීපන් සහ යාපනය මහ නගර සභාවේ නගරාධිපති යන මහත්වරු විශේෂ ආරාධිතයන් ලෙස සහභාගී වෙමින් අදහස් දැක්වූහ.
මෙම උත්සවයට කෝපායි ගුරු අභ්යාස විද්යාලයේ විදුහල්පති චන්ද්රමෞලි ලලීසන්, ‘Study In’ ආයතනයේ අධ්යක්ෂවරුන් වන රිස්මි මොහොමඩ්, රිස්වාන් සහ ආයතනයේ ප්රධාන නිලධාරීන් ඇතුළු පිරිසක් සහභාගී වූහ.
