යාපනයේ සංගානෙයි බස් නැවතුම් පොළ අසල අලුතින් පිහිටුවන ලද අම්මාචි පාරම්පරික ආහාර ආපන ශාලාව උතුරු පළාත් ගරු ආණ්ඩුකාර පී.එස්.එම්. චාල්ස් මහත්මිය අතින් අද (25/06/2024) විවෘත විය.
අම්මාචි පාරම්පරික ආපන ශාලාව විවෘත කරමින් ගරු ආණ්ඩුකාර තුමිය විසින් අවන්හලේ අලෙවි කටයුතු ද ආරම්භ කළ අතර බටහිර වලිගාමම් කාන්තා මූලික පවුල් සඳහා ජීවනෝපාය මාර්ග සදහා ආධාර ද ලබා දෙන ලදී.මෙහිදී ප්‍රදේශයේ කලාකරුවන් සහ ගොවීන් ඇගයීමට ලක් කෙරුණු අතර දුප්පත් පවුල්වල සිසුන් සඳහා අධ්‍යාපන උපකරණ බෙදාදීම ද සිදු විය.
මෙහිදී අදහස් දැක්වූ ගරු උතුරු පළාත් ආණ්ඩුකාර තුමිය අදහස් දක්වමින් “ජනතාවගේ මූලික අවශ්‍යතා සපුරාලීමට හැකිවන පරිදි ජනතාව සමඟ සහයෝගයෙන් පලාත් සභාව කටයුතු යුතු බවත් පළාත් පාලන ආයතන සහ පළාත් සභාව හරහා විශිෂ්ට ව්‍යාපෘති රැසක් සිදු කර ඇති බවත් පැවසීය. පළාතේ ජීවත්වන ජනතාවගේ ජීවනෝපාය දියුණු කිරීම අපේ අරමුණ බවත් පැවසීය සෑම කලාපයකම විවිධ ලක්ෂණ ඇත. අපේ රටේ අපූර්වත්වය සහ සම්ප්‍රදායන් අපි ආරක්ෂා කළ යුතුයි. යාපනයේ ආහාර පිට පළාත්වල අය සහ විදේශිකයන් අතර ඉතා ජනප්‍රියයි. ඒවා තත්ත්වය ආරක්ෂා කළ යුතුය. අම්මාචි සාම්ප්‍රදායික අවන්හල් ජනතාවට ගුණාත්මක, රසවත් ආහාර අඛණ්ඩව ලබා දිය යුතු බවත් වැඩි දුරටත් අදහස් දක්වමින් ගරු ආණ්ඩුකාර තුමිය පැවසීය.
