උතුරු පළාතට බලපෑ ව්යසන අතරතුර, මධ්යම සහ පළාත් පරිපාලන අතර කිසිදු වෙනසක් නොමැතිව ගත් සම්බන්ධීකරණ ක්රියාමාර්ග හේතුවෙන් ඉතා කෙටි කාලයක් තුළ යම් දුරකට පීඩාවට පත් ජනතාවගේ සාමාන්ය ජීවිතය යථා තත්ත්වයට පත් කිරීමට හැකි වූ බව උතුරු පළාත් ගරු ආණ්ඩුකාරතුමා එන්. වෙතනායගන් මහතා ප්රකාශ කළේය.
වවුනියාව දිස්ත්රික් සම්බන්ධීකරණ කමිටු රැස්වීම අද, අඟහරුවාදා (2025.12.09) දිස්ත්රික් ලේකම් කාර්යාලයේදී පැවැත්විණි. රැස්වීමේ මුලසුන දැරුවේ වවුනියාව දිස්ත්රික් සම්බන්ධීකරණ කමිටුවේ සභාපති සහ නියෝජ්ය අමාත්ය උපාලි සමරසිංහ සහ උතුරු පළාත් සම සභාපති සහ ගරු ආණ්ඩුකාරතුමෙ එන්. වෙතනායගන් මහතා විසිනි.
දිස්ත්රික් ලේකම් සරත් චන්ද්ර මහතාගේ පිළිගැනීමේ කතාවකින් ආරම්භ වූ අතර, නියෝජ්ය අමාත්ය උපාලි සමරසිංහ මහතාගේ කතාවෙන් පසුව පැවැත්විණි.
පසුව කතා කළ උතුරු පළාත් ගරු ආණ්ඩුකාරතුමා තවදුරටත් මෙසේ පැවසීය:
‘විපතට පත් ජනතාවට නැවත එවැනි ව්යසනයකට මුහුණ නොදෙන ලෙස ස්ථිර විසඳුම් සෙවීමට අප උත්සාහ කළ යුතුයි. අතිගරු ජනාධිපති අනුර කුමාර දිසානායක මහතා ද මෙය අවධාරණය කරමින් සිටී. අපගේ වගකීම ජනතාව සාමාන්ය ජීවිතයට ගෙන ඒමෙන් නතර නොවිය යුතු අතර, විනාශ වූ ඔවුන්ගේ ජීවනෝපායන් සම්පූර්ණයෙන්ම නැවත ගොඩනඟා ගත යුතු බව’ ඔහු පෙන්වා දුන්නේය.
ආපදා බලපෑම් සහ සහන කටයුතු පිළිබඳව රැස්වීමේදී විස්තරාත්මකව සාකච්ඡා කරන ලදී. විශේෂයෙන් වන සංරක්ෂණ දෙපාර්තමේන්තුවේ ක්රියාකාරකම් පිළිබඳව දීර්ඝ වශයෙන් සාකච්ඡා කරන ලදී. තවද, පසුගිය සම්බන්ධීකරණ කමිටු රැස්වීමේදී ගත් තීරණවල ප්රගතිය, දිස්ත්රික්කය මුහුණ දෙන අභියෝග සහ අනාගත සංවර්ධන සැලසුම් පිළිබඳව ඵලදායී සාකච්ඡා පැවැත්විණි.
සම්බන්ධීකරණ කමිටු රැස්වීමට වන්නි මැතිවරණ දිස්ත්රික් පාර්ලිමේන්තුවේ සාමාජිකයින්, පළාත් පාලන ආයතනවල සභාපතිවරුන්, උතුරු පළාතේ ප්රධාන ලේකම්, පළාත් අමාත්යාංශ ලේකම්වරුන් සහ දෙපාර්තමේන්තු ප්රධානීන් සහ තවත් බොහෝ රජයේ නිලධාරීන් සහභාගී විය.
