මන්නාරම දිස්ත්රික් මහ රෝහලේ හදිසි අනතුරු සහ හදිසි ප්රතිකාර ෙස්වාව කඩිනමින් සහ ඒකාබද්ධව සැපයීම සඳහා අවශ්ය පහසුකම් සහිතව නව ගොඩනැගිල්ලක්, ඉන්දීය රජයේ රුපියල් මිලියන 600 ක මූල්ය ආධාර මත, ඉදිකිරීමට නියමිතය.
ඉන්දීය රජයේ මූල්ය ආධාර මත ක්රියාත්මක කෙරෙන මෙම ව්යාපෘතිය සඳහා මුල්ගල් තැබීමේ උත්සවය අද (2026.09.16) බදාදා උදෑසන පැවැත්විණි. ශ්රී ලංකා ප්රජාතන්ත්රවාදී සමාජවාදී ජනරජයේ ගරු ජනාධිපති අනුර කුමාර දිසානායක, ගරු සෞඛ්ය අමාත්ය නලින්ද ජයතිස්ස, උතුරු පළාත් ගරු ආණ්ඩුකාරතුමා ගරු එන්. වෙදනායකන් මහතා සහ ශ්රී ලංකාවේ ඉන්දීය මහ කොමසාරිස් සන්තෝෂ්; ජා යන මහත්වරුන්ගේ ප්රධාන සහභාගීත්වයෙන් මෙම උත්සවය පැවැත්විණි.
උතුරු පළාත් සෞඛ්ය අමාත්යාංශය සහ උතුරු පළාත් සෞඛ්ය සේවා දෙපාර්තමේන්තුව එක්ව සංවිධානය කරන ලද මෙම ව්යාපෘතියේ ක්රියාත්මක කිරීමේ ආයතනය කොළඹ සෞඛ්ය අමාත්යාංශය වන අතර ක්රියාත්මක කිරීමේ ආයතනය උතුරු පළාත් සභාවයි. ශ්රී ලංකා රජය සහ ඉන්දීය රජය අතර අවබෝධතා ගිවිසුම 2025.09.09 දින අත්සන් කරන ලද අතර, මධ්යම සෞඛ්ය අමාත්යාංශය සහ උතුරු පළාත් සභාව අතර අභ්යන්තර ගිවිසුම 2025.11.10 දින අත්සන් කරන ලදී.
ව්යාපෘතිය යටතේ ඉදිකරන ගොඩනැගිල්ල දිග මීටර් 77.3 ක් සහ පළල මීටර් 34.3 ක් වනු ඇත. බිම් මහල සහ ඉහළ මහල යන මට්ටම් දෙකකින් සමන්විත ගොඩනැගිල්ලේ එක් එක් මහලේ භූමි ප්රමාණය වර්ග මීටර් 2,651.4 ක් ලෙස තීරණය කර ඇත. මෙම ගොඩනැගිල්ලේ මුළු ඇඳන් 248 ක් සමඟ නිර්මාණය කිරීමට. අපේක්ෂා කර අැත.
නව ගොඩනැගිල්ලේ හදිසි අනතුරු අංශයක්, දැඩි සත්කාර ඒකකයක්, ප්රතිබිම්භකරණ සහ රෝග විනිශ්චය පහසුකම්, එක්ස් කිරණ සහ සීටී ස්කෑන් පහසුකම්, රසායනාගාරය සහ බාහිර රෝගී දෙපාර්තමේන්තුව ඇතුළු ප්රධාන වෛද්ය පහසුකම් ඇත.
මන්නාරම දිස්ත්රික් මහ රෝහලේ මෙම නව ආයෝජනය හදිසි අනතුරු සහ හදිසි වෛද්ය තත්වයන් සඳහා ක්ෂණික ප්රතිකාර ලබා දීමේ ධාරිතාව වැඩි දියුණු කරන අතර තනි ව්යුහයක් යටතේ මන්නාරම දිස්ත්රික්කයේ ජනතාවට අවශ්ය විවිධ වෛද්ය සේවාවන් තවදුරටත් විධිමත් කිරීමට අවස්ථාවක් ලබා දෙනු ඇත.
මුල්ගල් තැබීමේ උත්සවය ආරම්භයේදී අමුත්තන් පිළිගැනීමෙන් පසුව මුල්ගල් තැබීමේ උත්සවය පැවැත්විණි. ගරු ජනාධිපති අනුර කුමාර දිසානායක මහතා ඉදිරියේ ගරු සෞඛ්ය අමාත්ය නලින්ද ජයතිස්ස, උතුරු පළාත් ගරු ආණ්ඩුකාරතුමා එන්. වෙතනායකන් මහතා, ශ්රී ලංකාවේ ඉන්දීය මහ කොමසාරිස් සන්තෝෂ්; ජා මහතා, සෞඛ්ය අමාත්යාංශයේ ලේකම් සහ ගරු පාර්ලිමේන්තු මන්ත්රීවරුන් විසින් මුල්ගල් තැබීම සිදු කරන ලදී. මෙයින් පසු, සමරු ඵලකයක් නිරාවරණය කරන ලදී.
උතුරු පළාත් සෞඛ්ය සේවා අධ්යක්ෂවරයාගේ පිළිගැනීමේ කතාවෙන් පසුව, මධ්යම සෞඛ්ය අමාත්යාංශයේ ලේකම්, උතුරු පළාත් ගරු ආණ්ඩුකාරතුමා, සෞඛ්ය අමාත්යවරයා සහ ශ්රී ලංකාවේ ඉන්දීය මහ කොමසාරිස්වරයා විසින් දේශන පවත්වන ලදී. සිහිවටන ද ප්රදානය කරන ලදී.
මෙම අවස්ථාවට ගරු පාර්ලිමේන්තු මන්ත්රීවරුන් වන එම්. ජගතීස්වරන්, සී. තිලගනාදන්, පී. සත්යලිංගම්, සෙල්වම් අඩික්කලනාදන්, කාදර් මස්තාන්, උතුරු පළාත් ප්රධාන ලේකම්, උතුරු පළාත් අමාත්යාංශ ලේකම්වරුන්, නියෝජ්ය ප්රධාන ලේකම්වරුන්, මන්නාරම දිස්ත්රික්කයේ අතිරේක දිස්ත්රික් ලේකම්වරුන්, නගර සභාවේ ගරු සභාපති සහ ප්රාදේශීය සභා සභාපතිවරුන්, ප්රාදේශීය ලේකම්වරුන්, පළාත් අධ්යක්ෂවරුන්, දෙපාර්තමේන්තු ප්රධානීන්, රෝහල් වෙෙද්ය අධිකාරී, වෛද්යවරුන්, හෙදියන්, සෞඛ්ය සේවකයින් සහ මහජනතාව සහභාගී වූහ.
