මාන්තයි නැගෙනහිර ප්රදේශයේ වැසි සමයේදී රථවාහන බාධා සහ හුදකලා වීම වළක්වා ගැනීම සඳහා නව පාලම් ඉදිකිරීමේ අවශ්යතාවය පිළිගෙන ඇති උතුරු පළාත් ගරු ආණ්ඩුකාරතුමා එන්. වේදනායකන් මහතා, ඒය ඉදිකිරීමට කඩිනම් පියවර ගන්නා බව පැවසීය.
මූලතිව් හි මාන්තයි නැගෙනහිර ප්රාදේශීය ලේකම් කොට්ඨාශයට අයත් ප්රදේශවල මෑතකදී ඇති වූ ව්යසනයෙන් ඇති වූ යටිතල පහසුකම් හානිය පරීක්ෂා කිරීම සඳහා ආණ්ඩුකාරතුමාගේ නායකත්වයෙන් යුත් උසස් නිලධාරින් පිරිසක් අද (2026.02.18) උදෑසන සෘජු ක්ෂේත්ර සංචාරයක නිරත විය.
මෙහිදී, පාණ්ඩියන්කුලම් – සෙල්වපුරම් ප්රදේශයේ මෑතකදී ඉන්ධන මිල ඉහළ යාම හේතුවෙන් ගොවීන් විසින් අතහැර දමා තිබූ ජලය ගෙන යන වාරිමාර්ග ව්යාපෘතිය ගරු ආණ්ඩුකාරතුමා පෞද්ගලිකව නිරීක්ෂණය කළ අතර ගොවීන් සමඟ සාකච්ඡා කළේය. “ගොවීන් උනන්දු නම්, ලංකා විදුලිබල මණ්ඩලයට විදුලිය අලෙවි නොකරන සූර්ය බලශක්ති ව්යාපෘතියක් හරහා මෙය නැවත සක්රිය කළ හැකියි. මේ සම්බන්ධයෙන් ගොවීන් සමඟ කතා කර අවසන් තීරණය ඔවුන්ට දන්වන්න” යනුවෙන් ගරු ආණ්ඩුකාරතුමා නිලධාරීන්ට උපදෙස් දුන්නේය.
තවද, වන්නිවිලන්කුලම් – පනංගමම්පත්තු මාර්ගයේ ස්ථාන තුනක පාලම් නොමැතිකම හේතුවෙන්, වැසි සමයේදී මාන්තෙයි හි නැගෙනහිර කොටස සම්පූර්ණයෙන්ම හුදකලා වන බව පෙන්වා දෙන ලදී. එම ස්ථාන පෞද්ගලිකව නැරඹූ ගරු ආණ්ඩුකාරතුමා, මේ සඳහා ඒකාබද්ධව ඇස්තමේන්තු සකස් කරන ලෙස වාරිමාර්ග දෙපාර්තමේන්තුවට සහ මාර්ග සංවර්ධන දෙපාර්තමේන්තුවට නියෝග කළේය.
ඊට අමතරව, පුලියන්කුලම් සිට කුමාරිකුලම් දක්වා නාලිකාවේ සෙල්වපුරම් කට්ටුකරයි මාර්ගයේ පාලම පුළුල් කිරීම සහ ගංවතුරට ගොදුරු විය හැකි ප්රදේශවල නව පාලමක් ඉදිකිරීම සම්බන්ධයෙන් තාක්ෂණික අධ්යයනයන් සිදු කර ශක්යතා වාර්තාවක් ඉදිරිපත් කරන ලෙස ගරු ආණ්ඩුකාරතුමා නියෝග කළේය.
ඉන්පසු නාත්තන්ගන්ඩල් ප්රාදේශීය රෝහල සහ සෞඛ්ය වෛද්ය නිලධාරී කාර්යාලය වෙත ගිය ගරු ආණ්ඩුකාරතුමා රෝහලේ නේවාසිකාගාර වහාම අලුත්වැඩියා කර ඒවා නැවත මහජන භාවිතයට ගෙන ඒමට උපදෙස් දුන්නේය.
ඉන්දියානු රජයේ මූල්ය ආධාර මත ස්ථාපිත කරන ලද නියමු නිවාස ව්යාපෘතිය ද ගරු ආණ්ඩුකාරතුමා විසින් නිරීක්ෂණය කරන ලද අතර, එහි නිවාස රැසක් දැඩි ලෙස හානි වී කඩා වැටෙන තත්ත්වයක පවතින බව සොයා ගන්නා ලදී. මෙම කාරණය අදාළ පාර්ශ්වයන්ගේ අවධානයට යොමු කර විසඳුමක් සොයා ගන්නා බවට ඔහු සහතික විය.
මෙම ක්ෂේත්ර සංචාරයෙන් පසුව, මාන්තෙයි නැගෙනහිර ප්රාදේශීය ලේකම් කාර්යාලයේදී මහජන දුක්ගැනවිලි රැස්වීමක් ද පවත්වන ලදී.
මුලතිව් දිස්ත්රික් ලේකම්, උතුරු පළාත් සෞඛ්ය සහ පළාත් පාලන අමාත්යාංශ ලේකම්වරුන්, මාන්තෙයි නැගෙනහිර ප්රාදේශීය සභාවේ ගරු සභාපති, ප්රාදේශීය ලේකම්, පළාත් දෙපාර්තමේන්තු අධ්යක්ෂවරුන් (වාරිමාර්ග, මාර්ග සංවර්ධන, කෘෂිකර්ම, සෞඛ්ය), මාර්ග මගී ප්රවාහන අධිකාරියේ සාමාන්යාධිකාරී සහ පළාත් පාලන සහකාර කොමසාරිස් ඇතුළු පිරිසක් මෙම ක්ෂේත්ර සංචාරයට සහභාගී වූහ.
