යාපනය දිස්ත්රික් ලේකම් කාර්යාලය ඉදිරිපිට තම ඉඩම් නිදහස් කරන ලෙස ඉල්ලා විරෝධතාවයක නිරත වූ මයිලිටි නැවත පදිංචි කිරීමේ සංවර්ධන කමිටුව, අද (2026.06.15) උතුරු පළාත් ගරු ආණ්ඩුකාරතුමා එන්. වේදනායකන් මහතා පෞද්ගලිකව හමුවී ඔවුන්ගේ ඉල්ලීම් ඇතුළත් පෙත්සමක් නිල වශයෙන් භාර දුන්නේය.
1990 ජුනි 15 වන දින අවතැන් වූ තම ජනතාව වසර 36 කට පසුවත් තවමත් සරණාගතයින් ලෙස ජීවත් වන බව තම පෙත්සමෙන් පෙන්වා දී ඇති මයිලිටි නැවත පදිංචි කිරීමේ සංවර්ධන කමිටුව, තම පෙත්සමේ ප්රධාන ඉල්ලීම් දෙකක් ගරු ජනාධිපතිතුමාගේ අවධානයට යොමු කර ඇත.
2013 මාර්තු 28 වන දින ප්රකාශයට පත් කරන ලද අධි ආරක්ෂිත කලාපය පිළිබඳ ගැසට් පත්රය (අංක 1810) සම්පූර්ණයෙන්ම අවලංගු කළ යුතුය.
මයිලිටි හි ඉඩම් සඳහා අඛණ්ඩව සටන් කරන J/248, J/251, J/255 සහ J/246 ග්රාම නේවක කොට්ඨාශවලට අයත් ජනතාවගේ ඉඩම් පළමු අදියරේදී නිදහස් කළ යුතුය.
විරෝධතාවයෙන් පසු, ඔවුන් ආණ්ඩුකාර ලේකම් කාර්යාලයට ගොස් මෙම පෙත්සම භාර දුන්හ. ජනතාවගේ මෙම ඉල්ලීම් අඩංගු පෙත්සම ලැබුණු ගරු ආණ්ඩුකාරතුමා, සුදුසු සහ කඩිනම් ක්රියාමාර්ග සඳහා වහාම ගරු ජනාධිපතිතුමා වෙත එය යොමු කර ඇත.
