ඉන්දියාවේ 77 වන ජනරජ දිනය සැමරීම සඳහා යාපනයේ ඉන්දීය කොන්සල් කාර්යාලය විසින් සංවිධානය කරන ලද විශේෂ සංස්කෘතික උත්සවයක් සඳුදා (2026.01.26) සවස යාපනයේ තිරුවල්ලුවර් සංස්කෘතික ශාලාවේදී පැවැත්විණි.
උතුරු පළාතේ ගරු ආණ්ඩුකාර එන්. වේදනායකන් මහතා විශේෂ ආරාධිත අමුත්තා ලෙස සහභාගී විය.
යාපනයේ ඉන්දීය නියෝජ්ය මහ කොමසාරිස් ශ්රී සායි මුරලි මහතාගේ ආරාධනයෙන් පැවති මෙම සන්ධ්යා උත්සවයේ වර්ණවත් සංස්කෘතික රංගනයන් ඇතුළත් විය.
මෙම උත්සවයට සහභාගී වූ උතුරු පළාත් ආණ්ඩුකාරවරයා ඉන්දීය නියෝජ්ය මහ කොමසාරිස්වරයා සමඟ ජනරජ දින සුබ පැතුම් හුවමාරු කරගත් අතර සංස්කෘතික සිදුවීම් ද නැරඹීය.
උතුරු පළාතේ ගරු පාර්ලිමේන්තු මන්ත්රීවරුන්, හිටපු පාර්ලිමේන්තු මන්ත්රීවරුන් සහ පළාත් සභා මන්ත්රීවරුන්, උතුරු පළාත් අමාත්යාංශ ලේකම්වරුන්, දෙපාර්තමේන්තු ප්රධානීන්, ආගමික නායකයින්, සිවිල් සමාජ නියෝජිතයින්, ව්යාපාරික නායකයින්, මාධ්යවේදීන් සහ ඉන්දීය කොන්සල් කාර්යාලයේ නිලධාරීන් මෙම අවස්ථාවට සහභාගී වූහ.
