නෙඩුන්තිව් වෙත සංචාරකයන්ගේ පැමිණීම අතින් සමීප කාලය තුළ වැඩිවෙමින් පවතී. එබැවින්, එම ප්රදේශයේ ජනතාවගේත් සංචාරකයන්ගේත් සුබසාධනය සැලකිල්ලට ගනිමින්, නෙඩුන්තිව් ගොඩබැසීමේ වරාය පුණරුත්ථාපනය කිරීමේ අවශ්යතාවයක් මතු වී ඇත. ඵ් සඳහා නෙදර්ලන්ත රජය සිය සහයෝගය ලබා දිය යුතු බවට උතුරු පළාත් ගෞරවනීය ආණ්ඩුකාර නා. වේදනායකන් මහතා ඉල්ලීමක් කළේය.
උතුරු පළාත් ආණ්ඩුකාරවරයා හා ශ්රී ලංකාව සඳහා නෙදර්ලන්ත තානාපති වීබේ ඩි බෝර් (Wiebe de Boer) මහතා අතර නිල හමුව, ඊයේ බදාදා (21.01.2026) සවස 6.00ට ආණ්ඩුකාර කාර්යාලයේදී පැවැත්විණි.
මෙම හමුවේදී විවිධ වැදගත් කරුණු පිළිබඳව සාකච්ඡා කරන ලදී.
නෙදර්ලන්ත රජයේ මූල්ය සහයෝගයෙන් අතීතයේ පුනර්නියම කරනු ලැබූ යාපනය කොටුවට, වර්තමානයේ පැමිණෙන සංචාරකයන්ට වඩා වැඩි පිරිසක් ආකර්ෂණය කරගත යුතු බවට දූතවරයා තම කැමැත්ත ප්රකාශ කළේය. ප්රතිචාර ලෙස ආණ්ඩුකාරවරයා, “ලෝක බැංකුවේ මූල්ය සහයෝගය යටතේ යාපනය කොටුව කේන්ද්ර කරගත් සංචාරක සංවර්ධනය සඳහා විශේෂ සංවර්ධන සැලසුම් සකස් කර ඇත” යන කරුණ පෙන්වා දුන්නේය.
නෙදර්ලන්ත රජයේ මූල්ය සහයෝගයෙන් උතුරු පළාතේ (කිලිනොච්චි, වවුනියා, මංකුලම්, පේදුරුතුඩුව යන ස්ථානවල) ඉදිකර ඇති රෝහල් 4 අතරින්, කිලිනොච්චි රෝහලට පමණක් තමන් සෘජුව ගොස් නිරීක්ෂණය කළ බව දූතවරයා සඳහන් කළේය. එම රෝහල් සම්පූර්ණ ධාරිතාවෙන් ක්රියාත්මක කිරීමට බාධාව වන අභියෝග පිළිබඳවද ඔහු ආණ්ඩුකාරවරයාගෙන් විමසා දැනගත්තේය.
‘උතුරු ආයෝජන සමුළුවට’ තමන් සහභාගී වන බව ප්රකාශ කළ දූතවරයා, කොළඹ සිට උතුරට ආයෝජකයන් ගමන් කරමින් සිටීම විශේෂ වෙනසක් ලෙස සඳහන් කළේය.
මෙහිදී අදහස් දැක්වූ ආණ්ඩුකාරවරයා, “වර්තමාන රජයේ පාලන කාලය තුළ උතුරේ ආයෝජන සඳහා ඉතා හිතකර වාතාවරණයක් පවතිනවා. අපගේ පළාතෙන් කෘෂිකර්ම, මසුන් මැරීම සහ පශුසම්පත් නිෂ්පාදන අමුද්රව්ය ලෙස පමණක් පිටතට රැගෙන යනවා. ඒවා මෙහිම අගය එකතු කළ නිෂ්පාදන (Value Added Products) බවට පත් කිරීම සඳහා කර්මාන්තශාලා අපට අත්යවශ්යයි” යනුවෙන් අවධාරණය කළේය.
තවද, තල් ආශ්රිත නිෂ්පාදනවල අපනයන අවස්ථා පිළිබඳවද, විශේෂයෙන් පනෙයි වලින් නව්ය උත්සාහයක් ලෙස යාපනයේ සිදු කරනු ලබන වයින් (Wine) නිෂ්පාදනය පිළිබඳවද ආණ්ඩුකාරවරයා විස්තර කළේය. මෙම උත්සාහයන් අනාගතයේ පළාත් ආර්ථිකයට සෘජු බලපෑමක් ඇති කරනු ඇති බවට ඔහු විශ්වාසය ප්රකාශ කළේය.
මෑතකදී හමාර වූ ‘ඩිට්වා’ (Ditwa) සුළි කුණාටුවෙන් උතුරේ සිදුවූ හානි පිළිබඳවද දූතවරයා විමසා දැනගත්තේය. එසේම, පළාත් පරිපාලන කටයුතු, පළාත් සභා මැතිවරණය, මත්ද්රව්ය භාවිතය පිළිබඳ ගැටලුව සහ ඉන්දීය ඉදලූ බෝට්ටු (trawlers) විසින් සිදුකරන අත්යක්රමණ ඇතුළු කරුණු පිළිබඳවද විස්තීර්ණව සාකච්ඡා කෙරිණි.
තවද, පාලාලි ගුවන් තොටුපළ සහ කංකෙසන්තුරේ වරාය යන ව්යාපෘතිවල සංවර්ධනය සම්බන්ධයෙන්, ගෞරවනීය ජනාධිපති අනුරකුමාර දිසානායක මහතා පසුගිය සතියේ යාපනයේදී ලබා දී ඇති පොරොන්දුව උතුරේ සංවර්ධනය සඳහා හිතකර සංඥාවක් බව දූතවරයා පෙන්වා දුන්නේය.
මෙම සාකච්ඡාවට උතුරු පළාත් ආණ්ඩුකාර ලේකම්, ආණ්ඩුකාරවරයාගේ සම්බන්ධීකරණ ලේකම්වරුන් සහ නෙදර්ලන්ත තානාපති කාර්යාලයේ ජ්යෙෂ්ඨ දේශපාලන උපදේශක සහ සංස්කෘතික උපදේශක යන අය සහභාගී වූහ.
