වෙනත් පළාත්වලට අයත් පුද්ගලයින් බොහෝ විට උතුරේ වෘත්තීය අධ්‍යාපන ආයතනවල අධ්‍යාපනය ලබති. අපේ පළාතේ භාවිතය ඉතා අඩුය. මෙය වෙනස් කළ යුතුය. වෘත්තීය අධ්‍යාපනයේ අවශ්‍යතාවය සියලු දෙනා අවබෝධ කර ගත යුතු බව උතුරු පළාත් ගරු ආණ්ඩුකාරතුමා එන්. වේදනායකන් මහතා අවධාරණය කළේය.
ජාතික කර්මාන්ත පුහුණු අධිකාරියෙ යාපන දිස්තික් කලමණාකාරවරයා ඊ.තිරුමුරුගන් මහතාගෙ ප්‍රධානත්වෙයන් 2025.07.17 දින සවස යාපනය දිස්ත්‍රික් ලේකම් කාර්යාල ශ්‍රවණාගාරයේ පැවති සහතික ප්‍රදානෝත්සවයට ප්‍රධාන ආරාධිත අමුත්තා ලෙස සහභාගී වූ ගරු ආණ්ඩුකාරතුමා,
අද කාලයේ වෘත්තීය පුහුණුව ඉතා වැදගත් වේ. එහි අවශ්‍යතාවය දැනට සෑම කෙනෙකුටම අවබෝධ වී තිබේ. රජයේ රැකියා අවස්ථා සීමිත වෙමින් පවතින පරිසරයක, පෞද්ගලික රැකියා හෝ විදේශ රැකියා අවස්ථා ලබා ගැනීමට අවශ්‍ය නම් වෘත්තීය අධ්‍යාපනය අවශ්‍ය වේ. එවැනි සහතික පත්‍ර පාඨමාලා ඔබටත් උපකාරී වනු ඇත.
උතුරු පළාතේ යුද්ධයෙන් විනාශ වූ කර්මාන්තශාලා නැවත ගොඩනැගීමට උත්සාහ දරමින් පවතී. එම කර්මාන්තශාලා මෙහි නැවත ක්‍රියාත්මක වන විට, වෘත්තීය පුහුණුව ලැබූ අයට රැකියා අවස්ථා වලදී ප්‍රමුඛත්වය ලබා දීමේ හැකියාවක් පවතී.
අනාගතයේදී පුහුණුවක් ලබා නොගෙන රැකියා වල නිරත වීමට නොහැකි තත්වයක් මතුවෙමින් තිබේ. එබැවින්, අද මෙහි සහතික ලබා ගන්නා ඔබ මෙම වෘත්තීය අධ්‍යාපනයේ අවශ්‍යතාවය ඔබ දන්නා අයට පැහැදිලි කළ යුතුය.
පාසල් හැර යන අය අතර කාන්තාවන්ට වඩා පිරිමින් වැඩි වුවද, එවැනි වෘත්තීය පුහුණුවක් ලබන පිරිමින්ට වඩා කාන්තාවන් වැඩිය. එබැවින්, අධ්‍යාපනයෙන් ඉවත් වූ පිරිමින් එවැනි ව්‍යාපාර කෙරෙහි ආකර්ෂණය කර ගත යුතු බව ආණ්ඩුකාරවරයා ඉල්ලා සිටියේය.
මෙම උත්සවයේ විශේෂ ආරාධිත අමුත්තා ලෙස දිස්ත්‍රික් ලේකම් එම්. ප්‍රදීපන් මහතා සහභාගි වුහ.
