‘සති දෙකක දැඩි ජාතික ක්ෂේත්‍ර මෙහෙයුම – 2025’ යන තේමාව යටතේ සුදු මැස්සන් පාලනය කිරීමේ ජාතික ව්‍යාපෘතියේ සමාරම්භක උත්සවය අද, සඳුදා (2025.07.14 ) චාවකච්චේරි ප්‍රාදේශීය ලේකම් කොට්ඨාශයේ කච්චායි හි උතුරු පළාත් ගරු ආණ්ඩුකාරතුමා එන්. වේදනායකන් මහතාගේ සහභාගීත්වයෙන් ආරම්භ විය.
යාපනය දිස්ත්‍රික් ලේකම් එම්. ප්‍රදීපන්, පොල් වගා කිරීමේ මණ්ඩලයේ සභාපති වෛද්‍ය සුනිමල් ජයකොඩි, පොල් වගා කිරීමේ මණ්ඩලයේ සාමාන්‍යාධිකාරී විජේසිංහ, පොල් වගා කිරීමේ මණ්ඩලයේ සහකාර සාමාන්‍යාධිකාරී ආර්. වයිකුන්තන්, උතුරු පළාත් කෘෂිකර්ම අධ්‍යක්ෂ එස්. සෙන්තිල්කුමාරන් මහත්මිය, නියෝජ්‍ය පළාත් කෘෂිකර්ම අධ්‍යක්ෂ එස්. අංජනාදේවි මහත්මිය ඇතුළු පිරිස් මෙම අවස්ථාවට සහභාගී වූහ.
පොල් වගා කිරීමේ මණ්ඩලයේ සභාපති වෛද්‍ය සුනිමල් ජයකොඩි මහතා සිය ආරම්භක කතාවේදී පැවසුවේ මෙම ව්‍යාපෘතිය ශ්‍රී ලංකාවේ යාපනය දිස්ත්‍රික්කයේම ආරම්භ කරන බවයි. ඇත්ත වශයෙන්ම, වාර්ෂිකව පොල් ගෙඩි මිලියන 3,000 ක් නිෂ්පාදනය කිරීමට අපි අපේක්ෂා කළත්, අපට ලැබෙන්නේ ඊට වඩා අඩු ප්‍රමාණයකි. සුදු මැස්සන් ආසාදනය සහ සතුන්ගෙන් සිදුවන හානිය ඇතුළු විවිධ රෝග මේ සඳහා බලපායි. 2030 වන විට වාර්ෂිකව පොල් ගෙඩි මිලියන 4,200 ක් නිෂ්පාදනය කිරීමේ ඉලක්කයක් ඇතිව අපි කටයුතු කරන්නෙමු. යාපනය දිස්ත්‍රික්කයේ පමණක් පොල් ගස් ලක්ෂ එකහමාරක් සුදු මැස්සන් උවදුරට ගොදුරු වී ඇත. සුදු මැස්සන් උවදුර පාලනය කිරීමට අප ගෙන ඇති මෙම උත්සාහයට ජනතාවගේ සහයෝගය විශාල ප්‍රමාණයක් අවශ්‍ය වේ. අපි මෙහි යන්ත්‍ර 150 ක් සහ සේවකයින් 150 ක් ගෙනැවිත් තිබෙනවා. කෙසේ වෙතත්, එක් යන්ත්‍රයක් ක්‍රියාත්මක කිරීමට අවම වශයෙන් පුද්ගලයින් 4 දෙනෙකු අවශ්‍ය වේ. එබැවින්, අපගේ කාර්ය මණ්ඩල හිඟය පියවා ගැනීමට උපහාර කරන ලෙස ඔහු ජනතාවගෙන් ඉල්ලා සිටියේය.
ගරු ආණ්ඩුකාරවරතුමා සිය කතාවේදී පැවසුවේ සුදු මැස්සන් උවදුර හේතුවෙන් යාපනය දිස්ත්‍රික්කය දැඩි බලපෑමකට මුහුණ දී සිටින බවයි. මීට වසර දෙකකට හෝ තුනකට පෙර සුදු මැස්සන් උවදුර දරුණු විය. පසුව එය පාලනය කරන ලදී. නමුත් දැන් එය පාලනය කළ නොහැකි ලෙස වැඩි වී ඇත. බොහෝ පොල් වතු වල නිෂ්පාදනය ශුන්‍ය වී ඇත. අපගේ ජනතාව තම ගෘහ අවශ්‍යතාවලට අමතරව පොල් විකිණීමෙන් සුළු ආදායමක් උපයති. ඔවුන් ද සුදු මැස්සන්ගේ උවදුරට ගොදුරු වී ඇත. ඒ සමඟම, අතිගරු ජනාධිපති අනුර කුමාර දිසානායක මහතාගේ නායකත්වයෙන් යුත් රජය උතුරේ පොල් නිෂ්පාදනය වැඩි දියුණු කිරීම සඳහා පොල් ත්‍රිකෝණ කලාපය ද හඳුන්වා දී ඇත. එබැවින්, අනාගතයේදී මෙහි පොල් නිෂ්පාදනය වැඩි කළ හැක්කේ සුදු මැස්සන්ගේ උවදුර පාලනය කිරීමෙන් පමණක් බැවින්, මහජනතාව මෙම කටයුත්තට පූර්ණ සහයෝගයෙන් කටයුතු කළ යුතු බව ඔහු පැවසීය.
පොල් වගා කිරීමේ මණ්ඩලයේ සහකාර සාමාන්‍යාධිකාරී ආර්. වයිකුන්තන් මහතා සිය කතාවේදී ප්‍රකාශ කළේ, උතුරු පළාත් ආණ්ඩුකාරවරයාගේ අඛණ්ඩ ඉල්ලීම මත මෙම ව්‍යාපෘතිය පොල් වගා කිරීමේ මණ්ඩලයේ සභාපතිවරයාගෙ සංකල්පනය මත මෙය නිර්මාණ විය. මෙම ව්‍යාපෘතියට සහභාගී වන ලෙසද ඔහු මහජනතාවගෙන් ඉල්ලා සිටියේය.
සමාරම්භක වැඩසටහෙනන් පසුව, පොල් ගස්වල සුදු මැස්සන් පාලන ව්‍යාපෘතිය නිල වශයෙන් දියත් කිරීම සිදු කරන ලදී.
