“මුලතිව් ප්‍රදේශයේ සාම්ප්‍රදායික කලාවන් සහ සංස්කෘතික උරුමයන් අනාගත පරපුරට දායාද කිරීමට මෙවැනි වැඩසටහන් උපකාරී වනු ඇත” – ආණ්ඩුකාරවරයා.

මුලතිව් දිස්ත්‍රික් ලේකම් කාර්යාලය, හින්දු ආගමික හා සංස්කෘතික කටයුතු දෙපාර්තමේන්තුව සහ උතුරු පළාත් සංචාරක කාර්යාංශය එක්ව සංවිධානය කරන ලද ‘සාම්ප්‍රදායික කලා සංග්‍රහය – මුල්ලයිමෝඩි 2026’ සහ ‘සාම්ප්‍රදායික ආහාර සංග්‍රහය – මුල්ලයිචුවයි 2026’ යන උත්සව ඊයේ (23.10.2026) මුලතිව් වෙරළ තීරයේදී ආරම්භ විය. ප්‍රධාන ආරාධිත අමුත්තා ලෙස සහභාගී වූ උතුරු පළාත් ගරු ආණ්ඩුකාරතුමා එන්. වේදනායකන් මහතා පැවසුවේ මෙවැනි උත්සව නිර්භීත මුලතිව් දේශයේ අද්විතීය කලා හා සංස්කෘතිය ඊළඟ පරම්පරාවට ලබා දීමට බෙහෙවින් ඉවහල් වන බවයි.

ස්වභාවික හා මානව සම්පත්වලින් පොහොසත් මුලතිව් දිස්ත්‍රික්කයේ දරිද්‍රතා තත්ත්වය වත්මන් රජයේ පාලන කාලය තුළ වෙනස් කිරීමට විශාල අවස්ථාවක් ඇති බව ගරු ආණ්ඩුකාරතුමා සඳහන් කළේය. වඳවීමේ තර්ජනයට ලක්ව ඇති සාම්ප්‍රදායික ආහාර එවැනි ආහාර උත්සව හරහා ජනතාව වෙත ගෙන ඒම අවශ්‍ය බවත්, එය පළාතේ සංචාරක කර්මාන්තයේ දියුණුවට විශාල ශක්තියක් වනු ඇති බවත් ඔහු පෙන්වා දුන්නේය.

මෙම උත්සවයේදී මුලතිව් දිස්ත්‍රික් කලාකරුවන්ට උපහාර පුද කරන ලද අතර, මුල්ලෙයිමනි වී. සුබ්‍රමනියම් සහ එන්.එස්. මනියම් විසින් රචිත බණ්ඩාරවන්නියන් හා සම්බන්ධ ඓතිහාසික හා කූත්තු නාට්‍ය කලාව ග්‍රන්ථ නැවත මුද්‍රණය කර ප්‍රකාශයට පත් කරන ලදී. වඳවීමේ තර්ජනයට ලක්ව ඇති පොත් නැවත මුද්‍රණය කර ප්‍රකාශයට පත් කිරීමේදී හින්දු ආගමික හා සංස්කෘතික කටයුතු දෙපාර්තමේන්තුවේ කාර්යය ගරු ආණ්ඩුකාරතුමා අගය කළේය. කතවරයන් කූතු සහ බණ්ඩාරවන්නියන් නාට්‍ය ද වේදිකා ගත කරන ලදී. දිස්ත්‍රික් ලේකම් ඒ. උමාමගේෂ්වරන් මහතාගේ ප්‍රධානත්වයෙන් පැවති මෙම උත්සවයට රජයේ ජ්‍යෙෂ්ඨ නිලධාරීන් ද සහභාගී විය.

උතුරු පළාත් ආණ්ඩුකාර මාධ්‍ය අංශය
2026.10.24