ගරු ජනාධිපතිතුමාගේ අදහසට අනුව දිවයිනේ දිළිඳු පවුල්වල පාසල් සිසු දරු දැරියන් සඳහා ශිෂ්‍යත්ව ප්‍රදානය කිරීමේ ජාතික වැඩසටහනේ කිලිනොච්චි දිස්ත්‍රික්කයේ උත්සවය අද (2024/07/14) පැවැත්විණි. කිලිනොච්චි දිස්ත්‍රික්කයේ අධ්‍යාපන කලාප දෙකෙන්ම තෝරාගත් සිසුන් 662 දෙනෙකුට ශිෂ්‍යත්ව අරමුදල් සඳහා සහතිකපත් ප්‍රදානය කෙරුණි.
උතුරු පළාත් ගරු ආණ්ඩුකාර පී.එස්.එම්. චාල්ස් මහත්මිය, අමාත්‍ය ඩග්ලස් දේවානන්ද මහතා, ජනාධිපති අතිරේක ජ්‍යෙෂ්ඨ ලේකම් සමන් බන්ධුලසේන, උතුරු පළාත් ප්‍රධාන ලේකම්, ආණ්ඩුකාර ලේකම්, කිලිනොච්චි දිස්ත්‍රික් වැඩබලන දිස්ත්‍රික් ලේකම් ,අධ්‍යාපන දෙපාර්තමේන්තු නිලධාරීන්, පාසල් සිසු දරු දැරියන් විදුහල්පතිවරුන්, ගුරුවරුන්, දෙමාපියන් ඇතුළු විශාල පිරිසක් මෙම අවස්ථාවට එක්ව සිටියහ.
උත්සව සභාව අමතමින් උතුරු පළාත් ගරු ආණ්ඩුකාර තුමිය මෙසේ පැවසීය
“නිදහස් අධ්‍යාපනය ලබාදෙන රටවල් අතර ශ්‍රී ලංකාව ඉදිරියෙන්ම සිටිනවා. රට කොවිඩ් වසංගතය, ආර්ථික අර්බුද සහ ස්වභාවික විපත් වැනි අර්බුදවලට මුහුණ දී සිටියද නොමිලයේ අධ්‍යාපනය සහ වෛද්‍ය සේවාවන් ලබා දෙනවා. මේ තත්ත්වය තුළ වුවද නොමිලේ සේවාවන් සැපයීමට රජය පසුබට වන්නේ නැත. දරු දැරියන්ගේ මෙන්ම තරුණ තරුණියන්ගේ අධ්‍යාපනයට කරන ආයෝජන රටේ කොඳු නාරටියයි. මේ මත පදනම්ව රටේ නිදහස් අධ්‍යාපන ක්‍රමය ගොඩනැගෙමින් පවතිනවා . මේ සඳහා විශාල මුදලක් රජය වැය කරනවා. ජනාධිපති අරමුදලින් විවිධ සේවාවන් සපයනවා. නොමිලේ වෛද්‍ය සේවාවන්ට අමතරව බරපතල රෝගාබාධවලට ප්‍රතිකාර කිරීම සඳහා ද ජනාධිපති ලේකම් කාර්යාලය අරමුදල් සපයනවා. සිසු දරු දැරියන් සඳහා නොමිලේ අධ්‍යාපනය ලබා දෙනවා. විශ්වවිද්‍යාල සිසු සිසුවියන් සඳහා මහපොළ ශිෂ්‍යත්වය පිරිනමනවා .මෙම කටයුතුවලට අමතරව පාසල් සිසු දරු දැරියන්ගේ දෛනික ඉගෙනුම් කටයුතුවලට උපකාර කිරීම සඳහා ගරු ජනාධිපතිතුමා අතින් මෙම ශිෂ්‍යත්ව වැඩසටහන ආරම්භ කර තිබේනවා. රටේ ප්‍රශ්න රාශියක් තිබියදීත් සිසු දරු දැරියන්ගේ අනාගතය ගැන සිතා ජනාධිපතිතුමා මෙවැනි තීරණයක් ගැනීම පිළිබඳව සිසු දරු දැරියන් මෙන්ම දෙමාපියන් කෘතවේදී විය යුතුයි. අධ්‍යාපනය සමාජය වෙනස් කළ හැකි එකම අවිය ලෙස සලකයි. ඒ නිසා හොඳ අධ්‍යාපනයක් ලැබීමත් සමඟම ඔබේ කුසලතා වර්ධනය කරගත යුතුයි. රටේ අනාගතය වෙනස් කරන්නන් බවට දරු දැරියන් පත් විය යුතු බව මගේ අදහසයි.
