සමුද්‍ර සංරක්ෂණයට අදාළව දැනුවත් කිරීමේ ක්‍රියාකාරකම් සිදු කිරීම සඳහා මූලික ක්ෂේත්‍ර අධ්‍යයනයක නිරත වූ ඕස්ට්‍රේලියානු විශේෂඥයින් කණ්ඩායමක් උතුරු පළාත් ගරු ආණ්ඩුකාර පී.එස්.එම්. චාල්ස් මහත්මිය ඊයේ (2024.03.12) සවස හමු වී විශේෂ සාකච්ඡාවක් කළේය.
ශ්‍රී ලංකාවේ ඕස්ට්‍රේලියානු මහ කොමසාරිස් කාර්යාලයේ දේශපාලන හා ආර්ථික කටයුතු පිළිබඳ වූ ලේකම්වරයාගේ ප්‍රධානත්වයෙන් යුත් විද්වත් කණ්ඩායමක් ගරු ආණ්ඩුකාරතුමිය හමුවී සාකච්ඡා කළහ.
උතුරු පළාතේ ජනතාවගේ වත්මන් ජීවනෝපාය කටයුතු, ආරක්‍ෂාව, සෞඛ්‍ය, සංචාරක, යටිතල පහසුකම්, සමුද්‍ර ආරක්‍ෂාව, සමුද්‍රීය කටයුතු, බිම්බෝම්බ ඉවත් කිරීම යනාදිය පිළිබඳව මෙහිදී ඔස්ට්‍රේලියානු විශේෂඥයින් පිරිස ගරු ආණ්ඩුකාරතුමිය සමග කරුණු සාකච්ඡා කරන ලදි.
