චාවකච්චේරි සිට පේදුරු තුඩුව දක්වා යන ප්‍රධාන මාර්ගයේ බෝක්කුවක් ඉදිකිරීම සම්බන්ධයෙන් ඇති වූ මතභේදය හේතුවෙන් මීටර් 10ක් දිග මාර්ග තවමත් ප්‍රතිසංස්කරණය නොකරන ලද බව යාපනය දිස්ත්‍රික් සම්බන්ධීකරණ කමිටු රැස්වීමේදී එය අවධානයට ලක්ව තිබියදී, උතුරු පළාත් ගරු ආණ්ඩුකාර නා. වේදනායකන් මහතා බ්‍රහස්පතින්දා (2025.07.31) උදෑසන පෞද්ගලිකව නිරීක්ෂණය කළේය.
මෙම අවස්ථාවේදී, උතුරු පළාත් ආණ්ඩුකාර ලේකම්, චාවකච්චේරි ප්‍රාදේශීය ලේකම් සහ චාවකච්චේරි නගර සභාවේ නියෝජ්‍ය සභාපතිවරයා ද එහි සහභාගී වී සිටියහ
වැසි සමයේදී ජලගැල්ම ගලා යාමට ඉඩ සලසන බෝක්කුවක් ඉදිකිරීමට එක් පාර්ශ්වයක් විරෝධය පළකර ඇති බව වාර්තා වූ අතර, ප්‍රතිසංස්කරණ කටයුතු සිදු කර නොමැති බවත් වාර්තා විය. නමුත් දැන් සියලු පාර්ශ්වයන්ගේ එකඟතාවය ලබාගෙන ඇති බව සාවකච්චේරි ප්‍රාදේශීය ලේකම් ආණ්ඩුකාරවරයාට දන්වා සිටියේය. ආණ්ඩුකාරවරයා මේ පිළිබඳව මාර්ග සංවර්ධන අධිකාරියේ උතුරු පළාත් අධ්‍යක්ෂවරයාට දුරකථනයෙන් දැනුම් දුන් අතර ප්‍රතිසංස්කරණ කටයුතු වහාම ආරම්භ කරන ලෙස ඉල්ලා සිටියේය.
