උතුරු පළාත් ගරු ආණ්ඩුකාර එන්. වේදනායකන් මහතා සහ මන්නාරම නගර සභාවේ සහ මාන්තෙයි බටහිර ප්‍රාදේශීය සභාවල සභාපතිවරුන් අතර හමුවක් අද සඳුදා (2025.08.11) ආණ්ඩුකාර ලේකම් කාර්යාලයේදී පැවැත්විණි.
මන්නාරම නගර සභාවේ අතීතයේ සිදු වූ අක්‍රමිකතා පිළිබඳව පරීක්ෂණ පවත්වන ලෙසත්, වැඩ ව්‍යාපෘති සිදු කිරීම සඳහා තාක්ෂණික නිලධාරීන් කඩිනමින් අවශ්‍ය බවත් ආණ්ඩුකාරවරයාගෙන් ඉල්ලීමක් කරන ලදී.
මාන්තෙයි බටහිර ප්‍රාදේශීය සභාවේ ආදායම වැඩි කිරීම අරමුණු කරගත් වැඩ ව්‍යාපෘති සඳහා ආධාර ලබා දෙන ලෙස ආණ්ඩුකාරවරයාගෙන් ඉල්ලීමක් ද කරන ලදී.
මේ අතර, වරිපනම් බද්ද සමාලෝචනය කරන ලෙස ආණ්ඩුකාරවරයා ඉල්ලා සිටි අතර සභාපතිවරුන් විසින් කරන ලද ඉල්ලීම් අතරින් ඉටු කර ගත හැකි දේ හැකි ඉක්මනින් ඉටු කරන බව ප්‍රකාශ කළේය.
මෙම හමුවට වන්නි දිස්ත්‍රික් පාර්ලිමේන්තු මන්ත්‍රී සෙල්වම් අඩික්කලනාදන්, මන්නාරම නගර සභාවේ සභාපති ඩැනියෙල් වසන්තන්, උප සභාපති උසේන්, මාන්තෙයි බටහිර ප්‍රාදේශීය සභාවේ සභාපති ඥා. ප්‍රේම්කුමාර් යන මහත්වරු ඇතුළු පිරිසක් සහභාගි වූහ.
