උතුරු පළාත් සෞඛ්‍ය, දේශීය වෛද්‍ය, පරිවාස හා ළමාරක්ෂක සේවා අමාත්‍යාංශය යටතේ මෙම වසරේ ක්‍රියාත්මක කරන ලද ව්‍යාපෘතිවල මූල්‍ය හා භෞතික ප්‍රගතිය සම්බන්ධයෙන් පරීක්ෂා කිරීම සඳහා වන මාසික සාකච්ඡාව අද අඟහරුවාදා (2025.07.15) උතුරු පළාත් ගරු ආණ්ඩුකාරතුමා එන්. වේදනායකන් මහතාගේ ප්‍රධානත්වයෙන් ආණ්ඩුකාර ලේකම් කාර්යාලයේදී පැවැත්විණි.
සාකච්ඡාව ආරම්භයේදී අදහස් දක්වමින් ආණ්ඩුකාරතුමා පැවසුවේ මානව හා භෞතික සම්පත් හිඟයක් තිබුණත්, ජනතාවට සේවා සැපයීමේදී කිසිදු අඩුපාඩුවක් සිදු නොවිය යුතු බවයි. අපගේ සම්පත් එක්ව ගන්වා ජනතාවට ඉහළම මට්ටමේ සේවාවක් ලබා දිය යුතු බවත්, මෙය සහතික කිරීම දෙපාර්තමේන්තු ප්‍රධානීන්ගේ වගකීමක් බවත් එතුමා ප්‍රකාශ කළේය.
සෞඛ්‍ය දෙපාර්තමේන්තුව, දේශීය වෛද්‍ය දෙපාර්තමේන්තුව සහ පරිවාස හා ළමාරක්ෂක දෙපාර්තමේන්තුව යන සෑම දෙපාර්තමේන්තුවකම ව්‍යාපෘතිවල ප්‍රගතිය විස්තරාත්මකව සාකච්ඡා කරන ලදී. මුහුණ දෙන අභියෝග පිළිබඳව ද සාකච්ඡා කර විසඳුම් ලබා දෙන ලදී.
මෙම සාකච්ඡාවට උතුරු පළාත් ප්‍රධාන ලේකම්, උතුරු පළාත් ආණ්ඩුකාර ලේකම්, උතුරු පළාත් සෞඛ්‍ය අමාත්‍යාංශයේ ලේකම්, මුදල් නියෝජ්‍ය ප්‍රධාන ලේකම්-මුදල්, ප්‍රධාන ලේකම්-ක්‍රමසම්පාදන, දේශීය වෛද්‍ය දෙපාර්තමේන්තුවේ කොමසාරිස්, පරිවාස හා ළමාරක්ෂණ දෙපාර්තමේන්තුවේ නියෝජ්‍ය කොමසාරිස්, සෑම දිස්ත්‍රික්කයකම ප්‍රාදේශීය සෞඛ්‍ය සේවා අධ්‍යක්ෂවරුන් සහ ගොඩනැගිලි දෙපාර්තමේන්තුවේ අධ්‍යක්ෂ ඇතුළු පිරිස් සහභාගී වූහ.
