අද කාලයේ බොහෝ දෙනෙක් තම අවශ්‍යතා සඳහා බයිසිකල් භාවිතා කරන අයට වඩා තම සෞඛ්‍ය සඳහා එය භාවිතා කරන අය ගණනාවක් සිටී. අද තරුණ සමාජය තුළ බයිසිකල් භාවිතය ප්‍රවර්ධනය කළ යුතුයි. උතුරු පළාත් ගරු ආණ්ඩුකාර එන්. වේදනායකන් මහතා විසින් මෙය අවධාරණය කළේය.
ප්‍රසිද්ධ පාපැදි ශූර අගස්රින් මහතාට සිහිවටනයක් ලෙස පැවැත්වූ මහා පාපැදි ධාවන තරඟය – 2025 ත්‍යාග ප්‍රදාන උත්සවය (2025.07.19) සෙනසුරාදා උදෑසන කිලිනොච්චි සමුපකාර සංස්කෘතික ශාලාවේදී ජ්‍යෙෂ්ඨ විදේශ සේවා නිලධාරි අගස්රින් ක්‍රිස්රිරූබන්ගේ ප්‍රධානත්වයෙන් පැවැත්විණි.
මෙම උත්සවයට ප්‍රධාන ආරාධිත අමුත්තා ලෙස සහභාගී වූ ආණ්ඩුකාරතුමා සිය කතාවේදී සඳහන් කළේ, “මගේ පළමු පත්වීම නෙඩුන්තීව් නියෝජ්‍ය දිස්ත්‍රික් ලේකම් ලෙසයි. ඒ කාලේ මම අලවෙඩ්ඩි හි මගේ නිවසේ සිට කුරිකට්ටුවාන් දක්වා බයිසිකලයෙන් ගමන් කළා. සමහර දිනවල තද සුළං ඇති වෙනවා. බයිසිකලය ගමන් කිරීමට අපහසු වන තරම් සුළං හමන අවස්ථා වුණා. මේ අපහසුතා මුහුණ දුන් නිසාම විය හැක, අපට ශක්තියක් ලැබුණා. ඕනෑම අභියෝගයකට මුහුණ දීමට අපට ශක්තිය ලැබුණා. නමුත් අද තරුණ පරම්පරාවට මේ දේවල් ගැන දැනගන්න තියෙන අවස්ථා ඉතා අඩුයි.” යැයිය
දැන් දවස්පතා සවස් වරුවේ දෙමාපියන්, විශේෂයෙන් මව්වරුන්, ප්‍රධාන මාර්ගවල සමහර ස්ථානවල කණ්ඩායම් වශයෙන් රැස්වෙති. ඔවුන් තම දරුවන් පෞද්ගලික අධ්‍යාපන ආයතනවල තබා ඔවුන් එනතුරු බලා සිටිති. දරුවන්ට ඇවිදීමට පවා ඉඩ නොදීම තත්ත්වයක් ඇති වී තිබෙනවා
බයිසිකල් ධාවනය අඩුවෙමින් පවතින මෙම පරිසරය තුළ, බයිසිකල් තරඟ ඇත්තෙන්ම අපූරු දෙයක් ලෙස පෙනේ. ඔහුගේ පියා වන අගස්රින් මහතාගේ සිහි කිරීම සඳහා ඔහුගේ පුත්‍රයා විසින් සංවිධානය කරනු ලබන එවැනි තරඟ අපට අවශ්‍ය වේ. අපගේ දරුවන් තමන්ව ශක්තිමත් කර ගැනීමට සහ අභියෝගවලට මුහුණ දීමට හැකි ආකාරයෙන් සූදානම් වීමට මෙවැනි වැඩසටහන් අත්‍යවශ්‍ය යැයි ආණ්ඩුකාරතුමා පැවසීය
මෙම අවස්ථාවට කිලිනොච්චි දිස්ත්‍රික් ලේකම් එස්. මුරලිදරන්, යාපනය ශික්ෂණ රෝහලේ අධ්‍යක්ෂ වෛද්‍ය ටී. සත්‍යමූර්ති, කිලිනොච්චි දිස්ත්‍රික් නියෝජ්‍ය පොලිස්පති, කිලිනොච්චි උතුර සහ දකුණු කලාප අධ්‍යාපන අධ්‍යක්ෂවරුන් ඇතුළු බොහෝ පිරිසක් සහභාගී වූහ.
