Balasingam Kajenderan

வடக்கு மாகாணத்தின் பொருளாதாரத்தின் முதுகெலும்பாக விளங்கும் விவசாயம், கால்நடை வளர்ப்பு மற்றும் மீன்பிடித் துறைகளை மேலும் வலுப்படுத்துவதன் மூலம் மாகாணத்தின் பொருளாதார வளர்ச்சியைத் துரிதப்படுத்த முடியும் எனத் தெரிவித்த வடக்கு மாகாண ஆளுநர் நா.வேதநாயகன், உற்பத்தியை அதிகரிப்பதுடன் சந்தை வாய்ப்புகள், நியாயமான கொள்முதல் விலை, சேமிப்பு மற்றும் பெறுமதிசேர் உற்பத்தி ஆகியவற்றிலும் கவனம் செலுத்த வேண்டியதன் அவசியத்தையும் வலியுறுத்தினார். வடக்கு மாகாணத்தில் விவசாயம், கால்நடை வளர்ப்பு மற்றும் நன்னீர் மீன்பிடித் துறைகளில் சிறப்பாகச் செயற்பட்ட விவசாயிகள், பண்ணையாளர்கள் […]

ஆசிரியர் ஒருவரின் உண்மையான வெற்றி, மாணவர்களின் பரீட்சைப் பெறுபேறுகளை உயர்த்துவதில் மாத்திரமன்றி, அவர்களின் மனதில் அன்பையும் நம்பிக்கையையும் உருவாக்கி, பல ஆண்டுகள் கடந்த பின்னரும் நன்றியுடன் நினைவுகூரப்படும் மனிதராகத் திகழ்வதிலேயே தங்கியுள்ளது என வடக்கு மாகாண ஆளுநர் நா.வேதநாயகன் தெரிவித்தார். யாழ்ப்பாணம் புனிதர் சாள்ஸ் மகா வித்தியாலயத்தின் 150ஆவது ஆண்டு நிறைவு விழா இன்று (05.11.2026) வியாழக்கிழமை காலை பாடசாலை வளாகத்தில் நடைபெற்றது. பாடசாலையின் அதிபர் கு.லெனின்குமார் தலைமையில் நடைபெற்ற இந்நிகழ்வில் பிரதம விருந்தினராகக் கலந்துகொண்டு உரையாற்றும்போதே

வடக்கு மாகாணத்திலிருந்து 2027ஆம் ஆண்டு கள்ளை ஏற்றுமதி செய்வதற்கான திட்டமிடல்கள் முன்னெடுக்கப்பட்டு வருகின்ற நிலையில், அதற்குத் தடையாக உள்ள அதிகாரிகள் சார்ந்த நிர்வாக இடையூறுகளைக் களைவதற்குரிய நடவடிக்கைகள் சம்பந்தப்பட்ட திணைக்களங்களுடன் கலந்துரையாடி மேற்கொள்ளப்படும் என வடக்கு மாகாண கௌரவ ஆளுநர் நா.வேதநாயகன் அவர்கள் தெரிவித்தார். வடக்கு மாகாணத்தின் ஏற்றுமதி அபிவிருத்தியில் பனை, தென்னை மற்றும் விவசாய உற்பத்திப் பொருட்களின் பங்களிப்பை மேம்படுத்துவதற்காக, வடக்கு மாகாண ஏற்றுமதியாளர் சங்கத்தின் அனுசரணையுடன் அமைக்கப்பட்ட குழுவின் உறுப்பினர்களுக்கும் ஆளுநருக்கும் இடையிலான கலந்துரையாடல்

மனிதவளத்தைப் பயன்படுத்தி நேரடியாக அரச சேவைகள் வழங்கப்பட்ட காலத்தில் அதிகாரிகளிடம் காணப்பட்ட மனிதநேய அணுகுமுறையும் சேவைகளை விரைந்து வழங்கும் பண்பும், தொழில்நுட்ப வளர்ச்சியுடன் கணினிமயமான சேவைகள் நடைமுறைக்கு வந்துள்ள தற்போதைய சூழலில் குறைந்துள்ளமை கவலைக்குரியது என வடக்கு மாகாண கௌரவ ஆளுநர் நா.வேதநாயகன் அவர்கள் தெரிவித்தார். அலுவலர்களுக்குக் காலத்துக்குக் காலம் பயிற்சிகள் வழங்கப்படுவது அவர்களின் திறன்களை மேம்படுத்தி, மக்களுக்கான சேவைகளை விரைவாகவும் வினைத்திறனுடனும் வழங்குவதற்கே எனக் குறிப்பிட்ட ஆளுநர், அந்த இலக்கை அடைவதற்கு இன்னும் பயணிக்க வேண்டியுள்ளதாகவும்

நிதி ஆணைக்குழுவுக்கும் வடக்கு, கிழக்கு மற்றும் மத்திய மாகாணங்களின் ஆளுநர்கள் மற்றும் பிரதம செயலாளர்களுக்கும் இடையிலான இணையவழிக் கலந்துரையாடல் இன்று (04.11.2026) புதன்கிழமை நடைபெற்றது. இதன்போது, மாகாண சபைகளுக்கு ஒதுக்கப்பட்ட நிதியில் இதுவரை மேற்கொள்ளப்பட்ட செலவினங்களின் முன்னேற்றம், 2026ஆம் ஆண்டின் இறுதிக்குள் நிறைவு செய்வதற்கு எதிர்பார்க்கப்படும் வேலைத்திட்டங்கள் மற்றும் டித்வா மீள்கட்டுமானப் பணிகள் தொடர்பில் விரிவாக ஆராயப்பட்டன. மேலும், எதிர்காலத்தில் மாகாண சபைகளின் செயற்பாடுகளை மேலும் வினைத்திறனுடனும் பயனுறுதியுடனும் முன்னெடுப்பதற்காக, கொள்கை ரீதியாக ஆராயப்பட வேண்டிய விடயங்கள்

வடக்கு மாகாணத்தில் நூலகச் சேவைகளை ஒருங்கிணைத்து, அவற்றை மேலும் வலுப்படுத்தும் நோக்கில் மாகாண மட்டத்தில் நூலக சேவைகள் பணியகம் ஒன்றை உருவாக்குவதற்குத் தயாரிக்கப்பட்ட வரைவு, வடக்கு மாகாண கௌரவ ஆளுநர் நா.வேதநாயகன் அவர்களிடம் இன்று (03.11.2026) செவ்வாய்க்கிழமை கையளிக்கப்பட்டது. குறித்த வரைவை ஆராய்ந்த ஆளுநர், அதனை தேசிய நூலக மற்றும் ஆவணமாக்கல் சேவைகள் சபைக்கு அனுப்பி, அவர்களது ஆலோசனைகளைப் பெற்றுக்கொள்வதுடன், இப்பணியகத்தை உருவாக்குவதற்குத் தேவையான சட்டரீதியான ஏற்பாடுகள் தொடர்பிலும் விரிவாக ஆராய்ந்து அடுத்தகட்ட நடவடிக்கைகளை முன்னெடுக்கவுள்ளதாகத் தெரிவித்தார்.

யாழ்ப்பாணத்தின் வரலாற்றுச் சிறப்புமிக்க ஸ்ரீ நாக விகாரையின் கட்டடப் புண்ணிய உற்சவம் மற்றும் மதிய நேர அன்னதான நிகழ்வு நேற்று (01.11.2026) ஞாயிற்றுக்கிழமை விகாரை வளாகத்தில் நடைபெற்றது. விகாராதிபதி வணக்கத்திற்குரிய கல்யாணி மகாசங்கத்தேரோ ஸ்ரீ விமல தேரர் அவர்களின் வழிகாட்டலில் நடைபெற்ற இந்நிகழ்வில், வடக்கு மாகாண கௌரவ ஆளுநர் நா.வேதநாயகன் அவர்கள், யாழ்ப்பாணத்திலுள்ள இந்தியத் துணைத் தூதரகத்தின் கொன்சியூலர் ஜெனரல் சாய் முரளி அவர்கள், யாழ்ப்பாண மாவட்டப் பிரதிப் பொலிஸ்மா அதிபர் மற்றும் யாழ்ப்பாணப் பிரதேச செயலர்

வவுனியா மாவட்டம், பிரமனாலங்குளம்–பரப்புக்கடந்தான் வீதியின் 5.55ஆவது கிலோமீற்றரில் அமைந்துள்ள பெரியதம்பனைப் பகுதியில், 40.5 மில்லியன் ரூபா செலவில் நிர்மாணிக்கப்பட்ட ஆற்றுச்சருக்கை, கொங்கிறீட் வீதி மற்றும் மதகுகளை வடக்கு மாகாண கௌரவ ஆளுநர் நா. வேதநாயகன் அவர்களும், வன்னி மாவட்ட ஒருங்கிணைப்புக் குழுத் தலைவரும் கௌரவ பிரதியமைச்சருமான உபாலி சமரசிங்க அவர்களும் இணைந்து நேற்று (31.10.2026) சனிக்கிழமை பொதுமக்களின் பயன்பாட்டுக்காகத் திறந்து வைத்தனர். மழைக்காலங்களில் குறித்த வீதி நீரில் மூழ்கி, போக்குவரத்து முற்றாகத் துண்டிக்கப்படும் நிலைமை காணப்பட்டது. இதனால்

நயினாதீவு மகா வித்தியாலயத்தின் 80ஆவது ஆண்டு நிறைவை முன்னிட்டு நடைபெற்ற அமுத விழாவில் பிரதம விருந்தினராகக் கலந்துகொண்ட வடக்கு மாகாண கௌரவ ஆளுநர் நா.வேதநாயகன் அவர்கள், பாடசாலையின் 80ஆவது ஆண்டு நினைவுச் சின்னத்தைத் திறந்து வைத்ததுடன், ‘கல்யாணி’ மலரையும் வெளியிட்டு வைத்தார். பாடசாலையின் பிரதான மண்டபத்தில் இன்று (30.10.2026) வெள்ளிக்கிழமை காலை நடைபெற்ற இந்நிகழ்வுக்குப் பாடசாலை அதிபர் தில்லைநாதன் நிதர்சனன் தலைமை தாங்கினார். நிகழ்வில் உரையாற்றிய ஆளுநர், கடலால் சூழப்பட்ட தீவில் வாழும் மக்களின் பிள்ளைகளுக்குத் தரமான

வடக்கு மாகாண அமைச்சுக்கள் மற்றும் திணைக்களங்களின் நிர்வாகச் செயற்பாடுகளை வினைத்திறனுடன் முன்னெடுப்பதுடன், பொதுமக்களுக்கான சேவைகளை மேம்படுத்துவதற்குத் தேவையான நடவடிக்கைகளைத் துரிதப்படுத்துமாறு வடக்கு மாகாண கௌரவ ஆளுநர் நா.வேதநாயகன் அவர்கள் அமைச்சுக்களின் செயலாளர்கள், மாகாணப் பணிப்பாளர்கள் மற்றும் திணைக்களத் தலைவர்களுக்கு அறிவுறுத்தினார். வடக்கு மாகாண ஆளுநர் செயலகத்தில் இன்று (29.10.2026) வியாழக்கிழமை ஆளுநர் தலைமையில் நடைபெற்ற உயர்மட்டக் கலந்துரையாடலின்போதே அவர் இவ்வாறு வலியுறுத்தினார். மாகாணத்தில் நிலவும் ஆளணிப் பற்றாக்குறையைத் தீர்ப்பதற்காக அங்கீகரிக்கப்பட்ட வெற்றிடங்களை நிரப்புதல், ஆட்சேர்ப்பு நடைமுறைகள் மற்றும்