விவசாய இரசாயன வெற்றுப் போத்தல்கள் சேகரிக்கும் ஆரம்ப நிகழ்வும், வாகனப் பேரணியும் 24.02.2025 திங்கட்கிழமை காலை 10 மணிக்கு திருநெல்வேலியிலுள்ள மாவட்ட விவசாய பயிற்சி நிலையத்தில் நடைபெறவுள்ளது.
Crop life நிறுவனம் மற்றும் விவசாய நிறுவனங்களின் அனுசரணையுடன் பிரதி விவசாய பணிப்பாளர் – யாழ்ப்பாணம் தலைமையில் இந்த நிகழ்வு நடைபெறவுள்ளது. இந்நிகழ்வில் பிரதம விருந்தினராக வடக்கு மாகாண பிரதம செயலாளர் அவர்களும், சிறப்பு விருந்தினர்களாக வடக்கு மாகாண விவசாய அமைச்சின் செயலாளர், பதிவாளர் – பீடைகொல்லி கட்டுபாட்டு பிரிவு, வடக்கு மாகாண விவசாய பணிப்பாளர், மேலதிக பணிப்பாளர் – ஆராய்ச்சி, உதவி ஆணையாளர் – கமநல அபிவிருத்தி திணைக்களம், பணிப்பாளர் – பயிர் வாழ்வு மற்றும் விவசாய சம்மேளன தலைவர்கள், முன்னோடி விவசாயிகளும் பங்குபற்றவுள்ளனர்.
இந்த நிகழ்வில் கலந்துகொண்டு செய்தி அறிக்கையிடல் மேற்கொள்ள பிரதி விவசாயப் பணிப்பாளர் அனைத்து ஊடக நண்பர்களுக்கும் அழைப்பு விடுத்துள்ளார்.
